Pōkai o Ngāti Manu
Rewi Wynyard - He hāpu mangai a te Russell Forest
He uri o Ngāti Manu a Rewi, kei te whārua o Karetū e noho ana. He tūranga kaitiaki tā te taha o Resource Management Act mā Ngāti Manu. He kaiwhakangau poaka hoki ia.
I te tau 2016, I te marama o Hakihea, I whakatū he rōpū hei whakawhiti kōrero, hei mahere rautaki mā ngā kaipūpuri i te oranga o te waoku o Tāne.
Nā ngā hapū kei ngā tahataha o Russell Forest
I te tau 2018, I hoki mai e te taku whānau nei ki te toro atu he ringa raupā ki ngā kaupapa a Ngāti Manu hei poipoia, hei whakawhanake tautoko mārika ai.
Nā te whare a Ngāti Manu ki tāku tūranga hapū māngai a te Russell Forest i whakatau ai, anei te tīmatatanga o tō mātou huarahi, kaupapa hei whakatinana atu.
Ngairo Tahere - He hāpu mangai a te Russell Forest
He uri o Ngāti Manu a Ngairo, kei te marae Karetū e noho tūāpapa ana. He kaimahi, he kaitūao, he ringa raupā mō te kaupapa nei.
I te tau 2018, I hoki mai e te whānau nei, I toro atu ōku ringa raupā ki ngā kaupapa hei poipoia, hei whakawhanake.
Nā te whare ki tāku tūranga hapū māngai a te Russell Forest i whakaae mai.
Kei hea āku manu tīoriori, āku manu taki, āku manu tāiko i te kāhui pōkaikaha nei, e hūrangi nei.
Where are my songbirds, my sentry birds, my guardian birds of the flock that is flustered and unsettled.
Kimihia te huarahi rautaki mā te mahi e haere ake ana.
- Kāretu Māori Committee
- Te Kāhui Kaitiaki o Ngāti Manu mō te awatapu o Taumārere
- Pōkai o Ngāti Manu Rauopi Koiora
- Te Herenga o Ngāti Manu
Mahere Whenua ki te whārua o Kāretu
- He tauira, he hoahoa tēnei mahere whenua a mahi tārore.
- I whiwhi mātou ko Pōkai o Ngāti Manu he BIOFUND nā NRC arā he trapernators, he stoat traps, he DOC 200, he bait stations, he paihana kia $5K te wariu.
- I utua e Te Kāhui Kaitiaki o Ngāti Manu kia $7K tāra kia hoko rauemi
- I whakautu e Kāretu Māori Kōmiti $2K tārā kia hoko hū me ngā kākahu.
Rehita āu hiahia anei te hononga ka pā atu
Ka pōkai tara ki runga, ka pōkai tara ki te whenua, ka pōkai o Ngāti Manu
Welcome, descendants of Ngāti Manu, Te Uri Karaka, Te Uri Raewera, Te Uri Ongaonga, volunteers, supporters, consultants.
Register here your interest to be a kaimahi, volunteer, consultant with Pōkai o Ngāti Manu.
Wānanga Ako
I haere mai a Nathan he kaimahi nō Northland Regional Council rāua ko tana akonga nō Rawene ki te whakaako i a mātou i ngā momo mahi kia whakarite rārangi #1.
Ko Blandie Witehira nō Patu Keha, a Ngati Kuta rāua ko Isabel Castrol nō Cuba I tae tinana mai ki te whakaako i ngā mahi tārore, ki ngā kōrero e pā ana ki ngā manu ka haumaru ai tātou.
Mahi Tarore Toiura
Tokorima ngā kaitūao e ako ana i ngā mahi whakatū ara, whakatū tārore a toiura, a paihamu, a Bait Station.
Kei a mātou he machete noa iho hei ārahi i a mātou.
GPS Mahi Ako
He kaimahi a Northland Regional Council ko Nathan McNally tēnā. He tūranga mahi a Biosecurity tā Nathan He pueknga āna ki ngā mahi whakarite mahere tārore mā mātou anō hoki Ko Shane rāua ko Tessa e ako GPS ana kei te taha o Nathan
Bay Bush Action ki Opua
Nō Ngati Rāhiri, ko Ngāti Kawa ētahi o ōna hapū. He tarawhiti, he kaimahi, he kaitūao a Stella Ko Stella Kaki-Schmidt tōna ingoa. I wānangatahi māua ko Stella kei te ngāhere o Opua, ki reira mahitahi, kōrerotahi, e pā ana ki āna mahi ki Opua. I āta hīkoi haere māua ki te māunu tārore kei ngā rārangi a RAT, a Toiura, a paihamu, a BAITSTATION hoki.
http://www.baybushaction.org.nz hei whakamōhiohio e pā ana ki tēnei pakihi.
Northland Regional Council
Kiwi for Kiwi’s
- Nā Ngāti Hine ngā heke o te Kiwi, me ngā Kiwi i haumaru ai
- Te mahi whakaneke manu ki wāhi kē
- Korekau he kīrearea kei te wāhi nei. He kaupapa nui tērā
- Tokowhā ngā Kiwi kua whakaneke ki tēnei wāhi ki Hikurangi
NRC Pest Weeds/ DOC Bat Monitoring Workshops
Northland Regional Council Pest Weed Workshop
Ki Whangarei, he akoranga e pā ana ki ngā momo tipu kīrearea kei te whārua o Kāretu ka tāutuhia. Ki reira he hapori mai a Ruakaka ki Tutukaka tae noa ki a Kawakawa. I haere māua ko Sidney ki te ako i ngā momo whakatipu otirā me pēhea ki te tiaki i te whenua kei te whārua o Kāretu. I mahi tahi, i kai tahi, i kōrero tahi mātou katoa. He wheako hou, he reka ngā kai, ko te whainga nui ko te kaupapa o Pōkai o Ngāti Manu he kaupapa tiaki a Papatūānuku.
DOC Bat monitoring Workshop
I whakatū a DOC ki Peowhairangi tētahi akoranga e pā ana ki te mahi arotūruki i ngā momo pekapeka. I haere mātou ko Arthur ko Sidney ki te ako i ngā momo mihini hopu reo ā-pekapeka, ki te pūnaha tāutuhia te reo ā-pekapeka. Tokomaha ngā tangata ki taua huihuinga mai Kororareka ki Waipoua ki Opua. $350 i a mihini hopu reo ā-pekapeka... Miharo rawa te akoranga ki reira.
NRC Pest Weeds/ DOC Bat Monitoring Workshops
Wanganui ki Papaioea
Herehere taura a Tieke.
Rere ana te mihi ki te rōpū kaimahi o Rāwhiti, otirā tēnei koe a Blandy rāua ko Isabel, nā kourua tēnei haerenga i whakarite, nā kourua tēnei kaupapa ki a Pōkai o Ngāti Manu i whakatau.
Ki Wanganui i whakatū te waka ki Rātana Pā, ki reira tuku karakia me ngā whakawhetai i mua i te haerenga atu. He mahi ki te hopu i ngā momo manu a Tieke rā, he mahi here taura, tango toto, whakainenga manu ērā atu mahi e pā ana ki te oranga o te tieke ki reira. E whā ngā rangi i reira mātou, mīharo te akoranga ki reira hoki. He mihi mutunga kore ki te whānau nō Rāwhiti/ Cuba anō hoki. He akoranga hoki mō taku tuahine a Ziarh, i tautoko mai i runga i te karanga o te kaupapa nei.
Avianz ki Papaioea:
He akoranga ki Te Kunenga o Pūrehuroa e pā ana ki ngā reo ā-manu tāutu ai. Nā ngā akona ēnei pūnaha i waihanga. A te wā, he hōtaka ki ngā reo ā-pekapeka tāutu ai. Miharo rawa te akoranga, he koi rawa a Sidney ki te mahi whakaoti mōata ai.
Te Kāhui Tūroa ki Taranaki
Aku mihi ki a Arthur, nōna te waka mō te tokotoru nei i hōmai mai. Mai Hokianga tae atu ki Whangarei i te mutunga iho ki Taranaki ka tau ai mātou ki tēnei huihuinga a Te Kāhui Taiao Tūroa hui a ruatau. I tūtuki mātou i a Kataraina Tamaki ki tērā hui a Taranaki, i kōtiti haere mātou ki te kite i tētahi pāka, ko Rotokare tōna ingoa. Nā Kataraina ngā Hihi ki a rātou kāinga hou i whakaneke. Mahi ngā akoranga hou ki a mātou nō Te Tai Tokerau, e pā ana ki te mauri o te moana, te mahi tiaki Tohorā me ōna tikanga, ngā paruparu ki tērā takiwā nā ngā hohipera, otirā te whakaawenga o ngā kaupapa here ki te oranga o Ranginui rāua ko Papatūānuku me ā rātou tamariki katoa.
2019- Te Hiranga o Te Taiao
Ngairo Tahere, Sidney Tahere, Arthur Tahere, Jason Hellier, Ziarh Gypsy
2020 - Te Hiranga o Te Taiao
Susie Te Tai, Te Kauri McPherson, Joseph Brown, Walli Brown, Saphire Hura-Kopa, Billie Peita, Rangimaria Elisaia, Melissa Tipene, Brian Tahere, Hiraina Tahere, Tina Tahere, Lisa Marie Tahere, Leeroy Clayton, Wiremu Tahere , Douglas Gibson, Sarai Elisaia, Shirley Elisaia, Ocean Elisaia, Chantez Connor
Kaupae 4 :Te Hiranga O Te Taiao- Māori Environmental Practices.
Mā Ngāti Ngāti Manu, nā Ngati Manu, e ai ki a Ngāti Manu. He tohu mā ngā kaimahi o Ngāti Manu ki te ako i ngā wheako o te taiao otirā anei he tūāpapa hei tūranga ki Pōkai o Ngāti Manu Biodiversity management rōpū. He tirohanga a Ngāti Manu me ōna tikanga kia noho pūmau hei ārahi i ngā mahi taiao. I te mutunga iho o tēnei whiwhinga, he whakatakinga ki te mahi kei te moana, kei ngā awaawa, kei te waoku o Tāne arā te tiaki I ngā tamariki a Ranginui rāua ko Papatūānuku.
Kāretu Marae Wānanga #1
E tuwhera atu nei te awa o Taumārere, Taumārere herenga waka e... Mahi ngātahi kei te whārua o Kāretu.
Waikare Marae Wānanga #2
Rere ana te mihi manahau ki a Te Kapotai, ko Waikare marae tēnā...
Whakapara Marae Wānanga #3
Rere ana te mihi ki a Ngāti Hau otirā ko Whakapara Marae tēnā.
Rāwhiti Marae Wānanga #4
Rere ana te mihi ki a Patu Keha, Ngāti Kuta, otirā ko Rāwhiti marae tēnā.
Rongoā Wānanga ki Waimakariri Marae ki Pirongia
Tokoono ngā tauira o Te Hiranga o Te Taiao e haere tāwhiti ki te marae o Waimakariri ki Pirongia. He wānanga ako e pā ana ki te reo me ōna tikanga a te rongoā.Tēnā koutou e Te Rina Atawhai Mātauranga nā koutou tēnei haerenga i tautoko, i whakautu.
Field Operative and Design in Pest Management Course
- I whakatū tēnei kaupapa ki Kāretu Marae ka wānangatahi, ka kaitahi mātou hei whānau
- I whakautu e Te Kaitiaki o Te Ahi me Te Kāhui Katiaki o Ngāti Manu ka noho mai māua ko Te Kauri
- Ka whakawhānaunga atu māua ko Te Kauri ki a Andre rāua ko Maaka e mahi kīrearea ana ki Rāwhiti.
Nohoanga ki Motutapu a Taikehu
Kei te motutapu o Taikehu, he ngahere motuhake a rākau “Pohutakawa”- Metrosideros excelsa heoi, e whānau mai he momorua arā he Rata-Metrosideros robusta. Ki reira hoki he momorua arā he Mallard- Anas platyrhynchos me te pateke-Anas chlorotis. “E kaha ana ngā momo tipu kei te motu ki te whakapapa atu ( hybrid), i kōnei ngā kākano tāwhito ka ora ai, heoi, mēnā e pērā ana ngā kākano he aha momo kai mā ngā manu, ngā ngangara, ngā mokomoko e kai. Ka noho mai e ngā momo ngā kai ka noho mai motuhake kei te motu. he tūpatotanga tēnei mā te hunga DOC, Ngai Tai ki Tamaki ki te taiao ka ora ai. E toru ngā nohoanga kei te motutapu o Taikehu, tēnā koutou ki te tīma DOC kei motutapu o Taikehu, heoi, me mihi ka tika ki a koe Kataraina, nāu tēnei kaupapa I whakarite.
Tiritiri Matangi Ka noho mai a Pōkai o Ngāti Manu me KORA
Tēnā koe e Kataraina, nāu tēnei kaupapa ako i whakarite, nā matou ki Pōkai o Ngāti Manu me ngā KORA a Ngā kaitiaki o Te Ahi te whiwhinga i wheako. Me mihi ka tika. Ki a Kawerau a-maki koutou ko Ngāti Paoa ko Ngai Tai ko Marutuahu tēnā koutou, tēnā koutou, tēnā koutou katoa.
Ko Kataraina tō mātou kaiārahi i ngā ara ka hikoi kei te motu, i ngā momo manu he reo ka rangona, i ngā mokoweri ka kite , he mīharo te kaupapa ako. He tauhou katoa mātou ki tēnei motu me āna momo a-manu, a- mokoweri, ērā atu ki reira. E rua ngā rangi ka noho mātou ki reira. Harikoa rawa mātou i ngā akoranga.
Te Ara Moana ki Tamaki Makaurau
Te Ara Moana is a movement that connects brilliant minds, passionate leaders, and cultural paradigms to empower us to thrive in strength and consciousness. We are the fastest growing summit for emerging leaders from across Aotearoa, and increasingly the Asia–Pacific region. The action-packed 2 days features a diverse range of inspiring speakers, hands-on workshops, a massive colour run, and opportunities to share our collective learning and wisdom. Everything we do and say is a celebration of our unique cultures, identity, and pride.
Ko te hoahoa “eDNA” ki Opua
Pānui ngā mōhiohio e pā ana ki te mahi kua mahia. https://www.biosecurity-toolbox.org.nz/2020/11/08/chasing-edna-signal/
Ruku Moana ki Te Tapuaetahi
Tēnā koutou e Clayton kourua ko Rozina mai a “Drowning Prevention Auckland” he tīmatatanga tēnei kaupapa haumaru mā te hunga kairuku. Tokomaha i whakangungu ki tēnei wānanga, 25 ngā kairuku kei ngā rangi e rua. Miharo te whakawhānaungatanga, te kaitahi, te kōrerotahi, te mahitahi. Nō reira rere ana te mihi mutunga kore mā koutou ko te whānau Wikaira.
Rere ana te mihi mihi ki Tai Tokerau Wānanga koutou ko āku kaiako me ētahi tauira, ko Olly Ball rāua ko Dai Morgan āku pouako, ko Evan Thom nō Ngati Rangiwewehi, ko Ziarh Gypsy nō Ngāti Awa ko Niki.., Tēnā koutou hei ringa raupā, hei koha kai mō tō mātou kaupapa ko te BioBLITZ tēnā. Ki a koe hoki e Steve nō Ngāti Hine ko koe tēnā e ngākaunui ana ki te toro mai tō ringa awhina ki a mātou ko Ngāti Manu tēnā, kia ora
2019 Ngāti Manu Bioblitz
Ko te kaupapa BioBLITZ he aronganui ki te tirohia ki tāutuhia i ngā momo kei tētahi wāhi I roto I te wā poto. Ka tukuna atu e Pōkai o Ngāti Manu ki ngā scientists me ngā kaitūao ki te tautoko mai i te koiora kei tērā takiwā I whakarite mātou ko Dion ko Olly he maramataka a-tau e pā ana ki ngā āhuatanga taiao mō ngā tau e toru, ā, kātahi ka whakatau tētahi tau hei whakatau raraunga nā ēnei BioBLITZ e toru…
Kaimahi a BIOBLITZ
2020 Ngāti Manu Bioblitz
Ko te kaupapa ako o tēnei BioBLITZ, kei ngā tahataha o te awa o Taumārere
Ko te kaupapa ako o tēnei BioBLITZ, kei ngā tahataha o te awa o Taumārere mā runga waka ( kayaks). Ko te pātai nui, pēhea ana ngā rauropi kei ngā tahataha o te awa mai Kāretu ki te Taumārere arā ko Kawakawa tēnā.
I te Rāhoroi, i piki maunga mātou ki te kitea i ngā momo tipu kei te Rārangi e mahi tārore ana a Pōkai o Ngāti Manu. Tāutuhia e mātou ngā momo rākau hei tohutohu i ngā whakaawenga e pā atu ki tērā wāhi.
Kātahi ka hiki iho mātou ki ngā tahataha o te awa Kāretu ki te tirotiro haere tāutu ai i ngā momo putiputi, i ngā momo pūkohu wai kei ngā kōhatu he mea rerekē ki te kite.
He wā ako hoki kei te taha o ngā “scientists” ki te kite i ngā momo nā ngā karu whakarahi, ki te whakawhiti kōrero e pā ana ki ngā momo tipu, rākau, ngangara erā atu, ērā atu momo.
2021 Ngāti Manu BioBLITZ
Rere ana te mihi ki a Kawiti rāua ko Te Atawhai mai Te Ahotūroa, kourua tahi e mātau ana ki te reo Māori me ōna tikanga e pā ana ki te taiao, wehi nā. Nā mātou te karanga i tuku, nā koutou tērā karanga i whakahoki, tēnā koutou.
Manahau tonu te mihi ki a Dion, rātou ko Dave, ko Jamie, ko Yumiko, ko Morag, ko Kataraina, ko koutou ngā momo matanga, nā mātou te hiahia ki te ako, nā koutou te wā i whakatau, tēnā koutou.
Heoi, ka huri te kei o te waka kōrero ki a koutou ko ngā moko o ngā puna tūpuna koutou ko ngā mokoariki, koutou ko ngā kaipūpuri i ngā wawata i wawatatia ai o rātou mā tēnā koutou katoa.
Kaimahi a BIOBLITZ
Kia haumaru, kia tau te ihu, kia tiketike ki ngā huānga a kai ipukarea, iwi taketake, rerenga rauropi, ko te āngi nei, ko te wai māori, ki te whenua, ki ngā nōhanga māori me ngā pūnaha rauropi me ērā atu momo he taonga a Ngāti Manu.
- Kāretu Māori Committee
- Te Kāhui Kaitiaki o Ngāti Manu mō te awatapu o Taumārere
- IO ORA
- Patu Keha & Ngāti Kuta,
- Te Tirairaka o Ngāti Hine
- Te Aho Tūroa
- Te Kāhui Tūroa
- Northland Regional Council
- Department of Conservation
- Northtec
- University of Auckland
- Massey University
- Bay Bush Action
- Kiwi for Kiwi’s
- Kiwi Coast
IO Ora Kaupapa
- Tui Paul
- Atiria Mckay
- Cynthia Rameka
Pūnaha Rauropi ki Te Atatū
- Tirohia ki ngā momo pūnaha rauropi ki te takutai moana ki Te Atatū
- Tirohia ki ngā maramataka o tēnā pūnaha rauropi o tēnā rauropi pūnaha I te taha waitī, ki te taha waitā.
- I whakatō harakeke e ngā kairaranga ngā momo nō wāhi kē, hei kōwhiringa I ngā rerekētanga o tēnā harakeke, o tērā harakeke
Kaimahi a-tarore
Kaimahi ā whānau
Kaimahi a-tautoko
